كيف تأخذ إقامة وتسافر المانيا؟

0
2056
كيف تأخذ إقامة وتسافر الى المانيا
كيف تأخذ إقامة وتسافر الى المانيا

سمعت عن ألمانيا؟
نفسك تسافر ويكون عندك اقامة فيها ؟!!!
شايف الموضوع صعب ؟!
طيب خذ الكنز ده تعرف المهندس عمرو عبد الجيد سافر أكثر من دولة اوروبية وكان في المانيا الشهر ده حاليا في تركيا عمرو جمع كنز لكل الناس اللي عاوزة تأخذ إقامة وتسافر المانيا عملكم Note فيها كل حاجة عن أي حاجة الموضوع سهل ومش صعب.

المقال طويل لكن في كل حاجة عن المانيا تم تقسيمة بطريقة سلسه إشحن طاقتك واقرأ بتركيز وحماسة

كل اللى عليك تقرأ المقال كويس وأقل تقدير للبوست ده أنك تعمله شير من كنت في برلين أخدت محاضرة بتتكلم عن إزاي ممكن تأخذ إقامة وتستقر في ألمانيا من خلال واحده من 8 طرق ممكن تعملها وتعيش هناك. ركز معايا 8 طرق مش 8 خطوات يعنى بتختار واحده بس منهم تكون مناسبة مع ظروفك وتعملها علشان ربنا يكرمك وتوصل إن شاء الله.

“ملاحظة”

اللي أعطتنا المحاضرة دي واحدة زميلتنا من مقدونيا تعيش في ألمانيا منذ أكثر من 8 سنين يعني تقريباً كل نقطة أو طريقة هي قالتها، هي جربتها بنفسها أو علي الأقل تعرف حد جربها.

الأول قبل ما أتكلم في أي حاجة أنا إما بكون عاوز أطلع تصريح إقامه بطلعة منين؟ (حاجة على الهامش)

من Foreigners affairs office اللي فى برلين ولازم أروح على الساعة 2 صباحاً. أيوة 2 الصبح علشان أحجز مكان في الطابور لإنك هتلاقي ناس كتير قوي هناك وعاوزة تعمل إقامة زيك.

ماهى أنواع الإقامة فى المانيا ؟

 إقامه عمل أو دراسة أو تدريب أو برنامج خدمة التطوع الأوروبية EVS) European voluntary service)

خلى بالك أنا بنتكلم عن إن خلاص جيت ألمانيا وعاوز أقعد أكثر من 3 شهور هناك وعاوز أجدد الإقامة أو أنا لسه في مصر وعاوز أدورعلى فرصة لي هناك في ألمانيا

ماهى 8 طرق اللي من خلالهم أقدر أعيش في ألمانيا؟

1العمل (Work)

ألمانيا أكتر دولة متوفر فيها فرص عمل للمهاجرين من خارج الإتحاد الأوروبي بلا منازع, أكبر سوق عمل في أوروبا هو ألمانيا بواقع 41 مليون عامل وتقني، ورغم كده محتاجين عمالة ماهرة و متخصصين في كافة المجالات، لأن في ال 25 سنة القادمين سوق العمل هيفقد 9 مليون شخص، وده اللي خلي ألمانيا تطلق حملة رسمية إسمها Make it in Germany من 2013 لجذب النابهين والحرفيين المهرة.

وأطلقت نظام جديد إسمه “البطاقة الزرقاء Blue Card“زي الجرين كارد الأمريكية, علشان تجيب المهندسين المتميزين والمبرمجين والأكاديميين من بلادهم برواتب وعقود مغرية.

مزاياها:

إنك بتاخذ اقامة مفتوحة بعد مضي 3 سنين من شغلك ولو متجوز تجيب مراتك ولها الحق في فرصة عمل حتي لو مش بتعرف تتكلم ألماني.

وممكن تكسر الاقامة وترجع بلدك سنة ونصف بدون ما تسقط عنك ترجع وتشتغل تاني، وبعد 3 سنين من شغلك، ممكن تشتغل في آي بلد أوروبي تاني، لأنك ممكن تطلع هناك برضه البطاقة الزرقاء.

الويب سايت ده بتاع Make it in Germany عليه كل المعلومات عن وضع سوق العمل،والفرص ،والمعاهد اللي بتقدم تدريب، وخطوات وإجراءات السفر كل شئ ممكن تتخيله من الألف للياء.

االموقع الرسمى

علشان تشتغل في ألمانيا قدامك طريقتين:

الطريقة الإولي: إنك تكون عارف شركة بعينها أو عارف حد فيها وتبعتلهم بشكل مباشر.

الطريقة التانيه: إنك تدور من خلال مواقع التوظيف الألمانيه ودي هتكون من خلال المواقع دي : المواقع دي تحتوي بالتفاصيل علي كل فرصة عمل موجودة.مهندسين،مبرمجين،ممرضات،ممرضين،وحتي مربين الأطفال وهي مهنة مطلوبة جدًا هناك..

االموقع الأول praktikum

االموقع الثانى Stepstone

االموقع الثالث Monster

االموقع الرابع Yourfirm

االموقع الخامس Stellenanzeigen

االموقع السادس Karriere.unicum

االموقع السابع De.gigajob

االموقع الثامن Arbeitsagentur

أنت وبتقدم لازم تكون مجهز الأوراق الأتية:

1- السيرة الذاتية C.V

2- خطاب تحفيزي Motivation letter

3- خطاب توصية Recommendation letter

4- شهاداتك Certificates

 ملاحظات هامة!

ملاحظة 1:

لازم يكون كلامك معاهم:

1- واضح Clear

2- قصير Short

3- بلاش الفلسفه فى الكلامNo Philosophy 

4- إجعل ورقك هو اللي يتكلم عنك let the paper talk for you.

ده مثال عن جانب بسيط من فرص العمل المتاحة للمهندسين:

اموقع فرص العمل للمهندسين فى المانيا

وده موقع الوظائف المتاحة فى مجال تكنولوجيا المعلومات IT:

اموقع فرص العمل فى مجال IT  فى المانيا

ملاحظة 2 :

“البطاقة الزرقاء” ليس فقط للباحثين عن فرصة عمل داخل ألمانيا من الخارج لا حتي لو انت بتدرس هناك ممكن تخلص وتقدم عليها وهتاخدها بسهولة وتلاقي شغل بعد التخرج،لأنهم مش بيحبوا يسيبوا الناس بعد ما اتعلموا عندهم يشتغلوا في دولة تانية.وعشان كده 30% من اللي خدوا “البطاقة الزرقاء” الاقامة الكاملة في ألمانيا سنة 2013 من الطلبة..يعني لو بتدرس هناك وخلصت هتلاقي شغل وبمرتب مجزي طبعًا..

ملاحظة 3 :

لو انت حاصل على بكالريوس ادخل علي الويب سايت ده عشان تعرف “كيفية معادلة الشهادة فى المانيا”.

اموقع الرسمى لمعادلة شهادة البكالريوس بشهادة الألمانية  

كل المعلومات عن الفيزا وشروطها وإستقدام الزوجة وخلافه تجده على “موقع السفارة الألمانية”

اموقع السفارة الألمانية  

لو إنت طبيب بشري أو لسه بتدرس في الجامعة كلية طب،اعرف أن الباب هناك لسه مفتوح بشكل كبير أكثر من أي وظيفة تانية؟!

الجروبEgyptian Doctors for Germany ده أفضل مكان تعرف منه كل الخطوات من الألف للياء من أول التخرج لغاية ما توصل مطار برلين عشان تشتغل ملتقي رائع لتبادل الخبرات والنصائح قائم عليه أطباء مصريين في ألمانيا

اجروب Egyptian Doctors for Germany 

وهذه مدونة تانية مفيدة للأطباء الباحثين عن فرصة عمل في ألمانيا مدونة فراس..

امدونة فراس  

موقع وظائف للممرضين والممرضات فى المانيا موقع أرامكو هيساعدك في معرفة فرص العمل المتاحة،والكورسات المطلوبة:

اموقع أرامكو لوظائف التمريض  

بعد ما تبعت لشركة وتقبلك علشان تشتغل معاها، ساعتها بتبعتلك العقد عن طريق البريد وبيكون عبارة عن نسختين نسخة ليك ونسخة للشركة علشان انت تمضيه و بعد كده بتتصل بالسفارة علشان تحدد ميعاد المقابله علشان تاخد فيزا عمل والموضوع ده بياخد في حدود من شهرين الى اربع شهور علشان تأخذ الفيزا وساعتها بتسافر وربنا يكرمك ان شاءالله.

انت بيحدد معاد السفارة من خلال أرقام هاتف:

مركز اتصالات فودافون: 090070678 أو من أى خط تليفون فودافون على رقم 2101.

مواعيد العمل: من الساعة 8 صباحاً الي 8 مساءاً.

2Vocational Job يعني الشغل في أجازة الصيف

ودي بتكون للطلبة من جميع أنحاء العالم سواء كان طالب بكالوريوس أو ماجيستير أو دكتوراة. مدتها 3 شهور بحد أقصي اللي هي الإجازة الصيفية.

مميزاتها:
يتم صرف مرتب يصل ل 1100 يورو في الشهر.
شروطها:
إنك لازم تجيب شهاده تثبت إنك طالب في الجامعة . بس أنا عرفت من مصدر موثوق منه إنه كان زمان في السفارة كانوا بيتأكدوا من صحة شهادة القيد بتاعتك إنما دلوقتي بسبب الأحداث الأخيرة والتسهيلات اللى معمولة علشان اللاجئين مش بيدوروا في الموضوع ده يعني أنت لو متخرج من الكلية ممكن تجيب ختم قديم للكلية بتاعتك وإعمله سكانر وإعمل شهادة ليك إنك طالب لسه بتدرس في الكلية بتاعتك لغاية دلوقتي وقدم بيها مش هتخصر حاجة. وأما تروح هناك دور علي فرص تانية بديلة علشان تعرف تكمل هناك.

ماهى خطوات التقديم في Vocational Job ؟

1- أول حاجة أكتب التخصص أو الشركة اللي أنت عاوز تتدرب فيها + كلمة Ferienbeschäftigung.

2- وساعتها هتطلعك شويه نتايج إختار منها اللي يناسبك وتقدم فيه ولو تم القبول يتطلب منك تقديم الآتى:

Immatrikulation Bescheinigung شهادة قيد الكلية.

– Deutschkenntnisse الشهادة الخاصة باللغة الألمانيه من جوته.

bewerbung الابلكيشن بتاع التقديم.

3- وساعتها اللي بيكملك أوراقك لغايه أما تيجي ألمانيا ZAV ))

Zentrale Auslands – und Fachvermittlung ( ZAV ) Ausländische أو اسمة المركز الدولي لخدمات التوظيف الخارجية.

3الدراسة Study :

حوالي 75% من الجامعات الألمانيه الدراسه فيها مجانا وتقريباً يتم دفع حوالي من 180 -200 يورو في الترم أو السنة كمصاريف إدارية. وبتأخذ تذكرة مواصلات لمدة سنة بلاش والدراسة بتكون بالألماني أو الإنجليزي حسب المتاح في الجامعة.

ممكن تختار الجامعة اللي أنت عاوز تقدم عليها من موقع “اليوني-آسيست Uni-assist”:

االموقع الرسمى اليوني-آسيست Uni-assist

طبعاً من ضمن الشروط التقديم:

1- أن تكون فاتح حساب في البنك في ألمانيا وموجود فيه في حدود 8000 يورو.

2- ولو هتدرس بالألماني لازم يكون معاك شهادة إسمها DAF أو DSH.

3- غالباً التحضير للتقديم للجامعة والقبول بيأخذ من 6 شهور الى سنة.

4- طبعاً أما بتكون طالب بيبقي ليك الحق إنك تشتغل وبيكون مرتبك حوالي 600 يورو في الشهر. بتدفع إيجار في المتوسط 200 يورو و تأمين عليك في حدود 50 يورو في الشهر.

5- ده بوست أنا عملته بعد أما زرت جامعة برلين شوفه وبص عليه:

بوست  الفيسبوك 

6- فيديو تم تسجيله مع دكتور مصري بيشتغل في جامعة آوغسبورغ:

How to study in Augsburg Hochschule

للمهندسين قسم مدنى / عمارة !!!! ده فيديو مع د/ مصطفى جبر بيشرح فيه كيفية التقديم و التخصصات و الدراسة جوه جامعة أوجسبرج !!ركزه فى كلامة كويس لأنه بيقول خلاصة الخلاصة :)وده لينك الجامعة سواء للبكالوريوس أو للماجيستير :https://www.hs-augsburg.de/en/study/index.htmlوده لينك بيشرحلك إزاى ممكن تعادل شهادتك فى ألمانيا :http://www.arabicgermany.org/2015/04/blog-post_29.htmlوده بوست من Nader Refaat بيشرح فيه خطوات دراسة الماجستير فى المانيا عمومآ :https://www.facebook.com/Nader.Micro/posts/10155641786560647ودي صفحة بتشرح ال life style in Germany و ازاي تعيش هناك :https://www.facebook.com/glsgermanlifestyle?__mref=message_bubbleبالتوفيق للجميع وشكر خاص للدكتور مصطفى جبر لإن لولاه أنا مكنتش جمعت كل المعلومات دى .دمتم على خير و ألقاكم على قمم الجبال حيث يوجد العظماء !! 😀

Posted by Amr Abd El Gayed on Wednesday, October 14, 2015

4التدريب في الشركات Internship:

وده بيبقي عبارة عن إنك بتقدم علي تدريب في شركة معينة لمدة من 3 شهور الى 6 شهور وعلي فكرة التدريب بيبقي مدفوع الأجر زيه زي الشغل العادي بالظبط وبتبقي أقل ساعة في ألمانيا طبقاً للقانون الجديد تمنها 8.5 يورو لكل ساعة. وفيه شغل بيكون ثمن الساعة بتاعها بيكون أكتر زي مهندسين Software.

طرق التقديم: 

عن طريق إنك تكتب فى بحث جوجل إسم الشركة أو التدريب اللي أنت عاوزة + كلمة Praktikum.

وهتطلعلك نتائج كتير جداً إختار اللي يناسبك منها وراسلهم ولو اتقبلت هتتصل بالسفارة علشان تحدد معاد وتمشي في نفس الاجراءات عادي جداً.

5خدمة التطوع الأوروبية EVS :

دى علشان تبقى متطوع في أي دوله في الإتحاد الأوروبي من اسبوعين لمدة سنة وبتتعلم فيها لغة البلد وبتكتسب مهارات شخصية كتيره جداً بتخليك تقدر تعيش في البلد دى بعد كده. بس للأسف مش مسموح لك بالشغل أثناء الفترة دى. ممكن تقدم علي الفرص المتاحة من خلال الجروب EVS Egypt.

رابط جروب EVS Egypt  

ولمزيد من التفاصيل:

تحميل ملف EVS علشان تعرف معلومات أكتر:

الموقع الرسمى  

تحميل ملف EVS  

6منحة IPS أو المنحة البرلمانية الدولية في البوندستاغ الألماني:

عباره عن منحة للعمل داخل البرلمان الألماني لمدة سنه وبتاخد فيها 500 يورو في الشهر + السكن والأكل والشرب.

ميعاد التقديم للمنحة:

كل سنه في شهر يوليو من خلال هذا الموقع:

قدم الآن

7Job Shadowing:

هى عباره عن منحة إيراسموس بلس مدتها 21 يوم وفيها إن بيبقى فيه بروتوكول تعاون بين جامعيتين من دولتين زي مصر وألمانيا والجامعيتين بيبعتوا زي تبادل طلابى من جامعة للتانيه علشان يتعلموا عندهم إزاي الشغل ماشي ويرجعوا باللي إتعلموه ده ويطبقوه في جامعات الموجودة في بلدهم. بس دي هتقدر تقدم عليها من خلال جامعتك اللي موجوده في مصر ومعتمده من الإتحاد الأوروبي.

8Making Business in Germany يعنى تفتح بيزنيس في ألمانيا:

عرفتها من اخر مقابلة لى قبل ما اسيب برلين كانت مع رجل أعمال إسمه “برايك إسماعيل“. الراجل ده بقاله أكتر من 25 سنة في ألمانيا، تكفي إني أقولكم إنه رئيس الجالية المصرية في برلين. الراجل ده اعطى معلومة مهمة جداً!!!! قاللي انت لو عاوز تعمل بيزنس في ألمانيا، كل اللي أنت محتاجة إنك تفتح اي شركة او حتي محل بس بشرط يكون بيشتغل فية 6 اشخاص ورأس المال مايكونشي أقل من 15 ألف يورو يعني في حدود 150 ألف جنيه مصري.!!!! وساعتها بتاخد إقامة دائمة بسبب البيزنيس بتاعك.

طيب أنا عرفت كل المعلومات دي .أنا محتاج ايه عشان أوصل هناك؟

1-تكون شاطر في دراستك طبعًا.لأن المجتمع هناك مفتوح وهيتقتح أكتر بس فقط للمميزين،مش اللي بيدوروا علي فرصة للهجرة وخلاص..

2-تعرف لغة ألمانية ودي مش صعبة و محتاجة منك من سنة الي سنة ونصف لو انت مهتم وبتبذل جهد كبير عشان تأخذ شهادة B2 من جوته اللي هتفتح الدنيا أمامك.أو ممكن تذاكر من خلال سلسلة الدروس دي لمدرسه من النمسا بتشرح ألماني باللغة العربية :

إيمانك إنك هتوصل وثقتك بنفسك وعدم اليأس مهما سمعت من كلام المحبطين.كل اللي وصلوا واللي هيوصلوا شكوا في نفسهم وقدراتهم بدل المرة مليون، وسمعوا كلام محبط من القريب والبعيد،بس هما طنشوا ولم يستسلموا ووصلوا، وناس تانية هتصدق هواجس الفشل وتُحبط من أول كلمة او عثرة،ودول هيقعدوا هنا يدوروا علي وظيفة بأبخس الأثمان.

وطبعًا توفيق ربنا قبل كل شئ. دمتم علي خير وألقاكم علي قمم الجبال حيث يوجد العظماء.

بالتوفيق ورجاء الدعاء بظهر الغيب.

شير ونفع نفسك والغير

#خطوة_لحلمك_إجعل_حلمك_حقيقة

#موقع_يأخذك_لحلمك